يا متعبني
10 Dec 2006, 07:42 AM
السلام عليكم ورحمة الله
يالله حيهم كلن باسمه
ياليت نرجع زمان أول ونصير بسيطين والعائلة الو حده تصير في بيت واحد ومجتمعه دايم
وبيت الطين البسيط إلي تكون الغرف محا وطه البيت والبيت فيه زى ألفتحه
من فوق والظاهر انه يسمى المنور
ونفرش فيه الصبح ووقت ألغدا وعند العصر ونرشه قبل عشان يبرد الجو
والفرشة تكون حصير والحصير هو إلي يجلس عليه بدال السجاد أو ألزوالي
والحصير يكون من خوص نخل وييبس وبقاله العسبان أو العيش ويكسر من عدوانه
ويقصص اللي هي الخوصه تقص أربع قصصيات همن يربص ويجاب خيشه والفه
فيها واذا قام يتثنى يعني لان سفيناه الين يغدي مستطيل همن اطويه ويخاط بالمخي
والمخيط عباره عن ابره طويله زي الابره الصغيره بس انها كبيره شوي عشان ماتنثني وانا اخيط فيها
وناكل في بوادي غضار وكيسان غضار وملاعقنا يدينا
والماء نشربه بالمطاره او شي من الفخار نسيت وش يقاله بس انه زي الزير بس اصغر
والسفره اللي ينوكل بها :-
يجاب قلب النخله وكانوا الاهل قبل يهاوشون الحريم لاخذوا قلب النخله عشان انه
يخرب النخله بس كان هو الزين لتسواه السفره وكان احدن يجيب صبغ
ويفوح هالصبغ ويطبخ به العسيب واللي يصير احمر واخضر واصفر زينه للسفره
والسفره يبدونها من الوسط وهي تسف الين الطرف
المهاف وهي وسيله التبريد الوحيده اللي تغنيهم عن المكيفات الحين والمراوح
والمهفه نفس الشي بس انها مهيب تسف لا يقالها تشك شك والى منهم قضو شاكينها
تروس ترويس همن تربص بماء وترص باي شي وبعدين اجيب عصى عسيب وتعوّد
والمحافر :-
اللي هي بدال المحافر السود اللي الحين بس انها بخوص النخل فيسفونه سخيف ويبدون به من قاعته ثم يبرمونه ابرام ويخيطونه بالمخيط
والزبيل نفس الشي
والطباقه اللي يغطى فيها الصحن او القدر فالقدور منول مالها غطيان فيسفون الغطى ويسمى منول طباقه
الموقعه :-
اللي هي مثل الصحون الحين وينتسب فيها الاكل وهو اللي يغطى بالطباقه
المسخنه :-
اللي يحط فيها الماء تجي طويله شوي ولها ثعبه يعني زي الفتحه ويحطونها في الشمس تدفا
المثعوبه :_
تجي حديده ولها ثعبه وهي اللي يصبون منها في يدين الناس لاخلصو ماكلين يعني
من زود السنع الضيوف لاقضو ماكلين ميقومون يغسلون لااا يجاب لمهم الماء بمثعوبه
وباديه ويغسلون يديهم فيها
السموّر :-
يجي زي الزير بس اطول شوي ويكون مبقور مع الوسط يعني له فتحه والفتحه
يحطون الجمر بوسطها عشان يصير حار ويخلونه كل الليل ولاقامو الصبح
ولاه يهجد من الحراره ويصير اللي يبي يسبح به او يغسل به واكثر شي يستخدمونه
في الشتاء
ومن الاواني البوادي والبرقان الغضار
ودلال الرسلان
والمحماسه تكون زي المقلى بس عروتها اطول شوي ومعها زي الملعقه بس طووويله ويحمسون بها القهوه
المنفاخ :-
اللي ينفخون به الجمر لاحسو انه بدا يطفي
الندزيره ( النقيره :-(
تجي حصاه كبيره مربعه ومنقشه تمصع العقل ( تمصع العقل بقول عمتي(
ويحطون فيها القهوه ويدقونها
النجر :-
يدقون فيه الهيل
اما اكلات زمان وهي ..
الجريش واحد يسميه ( إلقيمي(
والجريش معروف يسوى باللبن او الحليب
الطحين واحد يقول عنه ( صمّا (
والرز هو هو رز ماتغير واحد يقول عنه عيش
العصيد واحد يسميه دخن
والعصيد يجي اصفر ويربص همن يغسل ويجاب منحاز ويدق فيه الين يتلبد
ويسمى عقب مايتلبد (( دقوقه ((
الهريس وهو عيش بر ويطحنونه ويطبخونه حول اربع ساعات
الغفيص وهو عباره عن تمر وزبد
الحنيني قرصان وتمر
المحلى تمر وزبد وحبه سوداء ونفس الشي يخلى يطبخ حول 4الى 5 ساعات
ومن لبس منول واقمشتهم اللي هي للحريم ...
انواع الاقمشه ..
المنيخل :- يحطونه ثياب او شيال ويقومون على طرّافه كان انهم يبونه لسهره
او عروس ويحطونه زري يرهش
البخنق :- للي يلبسنها البنيات الصغار وهو عباره عن قماش منيخل ومشكوك شك
اكثر مايلبسنه البني في العيد او الموناسبات الكبيره
والثياب :-
نوع يسمى ( مريكه ) هذاا نوع غالي وهو نوع فاخر من انواع القماش
ونوع يسمى ( مرضوف ) رخيص يحوم التسبد
ونوع اسمه نور العيون ( مهمب يلعبون منول ) يجي زي البوالات مطرز
طريقه خياط الثياب
شي يخاط كرته وشي شوال
الكرته يكون مزموم مع الصدر ووسيع يخقل
والشوال زي ثوب الرجال مابه شي
والحريم الكبار يلبسون شي ويخيطونه ويسمى ( تخراصه ) وسيع من اسفل اليدين وكبر امس وقبل امس
اما ادوات زينتهم
المشاط :-
وهو نوع من الاعشاب يطحنونه ويمشطون به شعورهم
احدن يحطه جديلتين واحد يحطه عشر جدايل
وطبعاً من زين المشاط يخلونه بشعورهم خمست ايام مايفكونه وهمن يغسلونه لانه حسافه
اما الحُلي ..
يتزينين الحريم بـ وبالترتيب
مسباح وهو يكون زي السلسال حول الرقبه بس انه عريّض شوي
الزماط تحت المسباح
القلاده وتكون كبيره واكبر منهن كلهن
الرشرش كبيير يكون على الصدر كله
الغوايش ويجون يصفونهن بيديهن
صف الحجر وهي سواره من جنيهات ذهب
خماخم وتحط بالاذان
زمام وينحط بالخشم
ومن ادوات الاضائه
تريك , سراج
واللي يطبخون فيه ..
الدافور للقهوه , وتسوله , تنور
ومن العاب الصغار ..
الدنانه :- ( يجيبون سيكل ويحطونه فيه عمود ويعبون به العيال (
سبع الحجر
الصقله
القلبان يطبون فيها ويسبحون وهذا من انواع الترفيه
ومنول كانو يحجون على بعارين
وكانت تسمى الكواجه اللي تنحط على البعير ومزينه ومزخرفه ويركبن بوسطها الحريم وهالبعير مغير يومي فيهن
وهذي بعض الصور
هذا رادو ويا انه روسي او انه فرنسي والله اني مدري بس انه كان شي منول
وهذا بعد نوع ثاني من الروادو .. ومنول اللي عندهم هالروادو يعتبرون من الناس البطرانه على قولتهم
مضيقتن عليهم الدراهم
هذولي وانتم بكرامه بسمن زرابيل ومفردها زربول ..
ذولي نعال من جلد وداخلهن فرو شوي للشياب يلبسونهن .. وهذولي بعد يعتبرن موودرن ذاك الوقت ..
هذي نعال بعد منول الاوله من الخوص وهو سعف النخل والثانيه القبقب
هذي مسحاه للمزارعين وحقين المزراع ..
هذي بقوله الراوي انه مسحاه للناس الضعوف اللي مهمب اغنياء مره ... ومثل مانشوف نشوفه عريّضه
وصغيره مدري وراه عاد هو زود تحسيرن بهم ضعيفين الله او مدري
واللي فوقها هذا جرس يحط برقبه البقر والا الثيران عشان يعرفون متاسنهن
وهاللي متوزيه ورا هالقراشيع مدري هي باينه او لا بس مابغيت احرك الاغراض تجيني نزره يطيحن والاش
مثل ما نشوف نشوفها نحيفه وطويله عشان تحرث زين ..
وش الحكمه مفرقين بينهن مدري
هذا قفل زي اللي عندنا هالحين بس انه اقدم وهذا قديم مره ما تشوفونه محلي مع البطى ...
هذا يقفلون به منول يامحلاتهم او بيوتهم او التجوري وكذا ..
هذي المكنسه ... الله يرحمتس يا جدتي ياما كنستي بها ...
هذي مكنسه منول يكنسون بها الحوش والغرف وكذا شوفوا وش صغرها ومع هذا ما شكن ولا بتسن
وهالحين مكانس كهرب ودنيا ومع هذا وهـ قبل ظهورنا توجعنا وحالتنا حاله
ومنول تسنهن غزلان من النشاط لو ان الوحده وزنها 100 الا انها تسنها ريشه وش خفها وكله من هالكنس
والشغل بالبيت ..
هذا يقوله قرو ... يحط به الماء ويغطى وتختلف اشكاله شي مدور وشين مربع وشي ٍ مستطيل ..
يقول ابوي ياطعم الما منه له طعم وياعليه بروده ترد الروح مهيب بروده هالثلاجات والا البرادات اللي
تجيب الامراض .
والقرو نوعين شي للاودام اللي هو التسبير هاللي انا حاطه للمويه
والصغير للبقره يحلبونها ويحطون حليبها فيها ويخلون العجيل وليدها يشرب منه عشان ما يتعود يرضع
من امه يفطمونه مبتسر يعني
هذي يقالها العوقده مدري هي باينه والا لا ذي يتجدع بوسط الدزليب .. وبسحب بها أي شي ..
او يحط بها الدلو او اللي يجاب به المار وتسحب مرتن اخرى
او أي شيٍ يسقط ويطيح في البير يتلونه عن طريق هالعوقده
هذا صندوق العروس ... صندوق جدتي الله يرحمها ... ما تروح العروس الا هو معها فيه ذهيباتها وثويباتها
واغراضها كلهن ...
ومهنا دواليب وتسريحه وسرير ومدري وشو
ابد مريقدها حصير ودواليبها هالصندوق ... ومرايتها بوسط الصندوق ..
هذي قدور نحاس يطبخون بها منول ولا من بعضهن بغت تروح ياتغدي احد او تعشيهن تحط لها لفه قماش تسنها
العقال وتحط هالقدر فوق رويسها ... والظاهر ان هالقدور الى هالحين موجوده
هالصوره مداخن منول اللي اذا جاهم الضيف حطو من هالعود الزين ودخنو الرجال والا الحريم به
طبعاً الحريّم يقولن لا مانبيه بلاهن يرحن على رجليهن وعشان الرجال ما يشمون ذا الريح الزين
وام عصادزيل البنيه اقدم من الرصاصيه
واللي جنبهن هذا سراج اللي لا اظلمت الدنيا ولعوهن وحطو عند الحريم واحد والرجال واحد
واللي ماعليهم صفصفوهن حول بيتهم .. هذا الرحى يطحنون به الحبوب من حبوب السنبل وغيرها .. مهنا طواحين منول الى ذيّي
هذي الصحف وينتسبون فيها الغدا والا العشا يعني ياما اجتمع حولها الابوان وعيالهم وتغدو والا تعشوا ..
يااملح ذا العصيّه
ذي العجرا هذي ياطويلين العمر يستخدمونها منول للي يغلط والا شي ويهبدونه بها الين يقول ربي الله ..
ذي اداه من ادوات الجلد
هذي الندزيره ... وتتكون مثل هاللي انتم شايفين من حصاه ما يقواها احد وفيه حفرتن صغيره شوي بوسطها
يحطون القهوه والا الهيل .. ويدقونه بها بهالعصا اللي جنبها وياهي ثقيله ...
هذا المنحاز ... (( هذا هو يابو دنان يوم تقول تعرفيه ))
هذا اللي يدقون فيه العيش ...
وهـ يابريق الغضار .. ياطعم الشاهي فيه ولا صار على جميرات ...
هذا بريق الغضار اللي يزينون به الشاهي وهذا اقدم من الي جنبه وتشوفون انه هالخطوط اللي فيه مرسومه بالبيد .. هذي حافظات منول .. وهي عباره عن قرعه نجد ... يفرغون الي بوسطها ويخلونها في الشمس الين تشقص
همن لا نسفت يحطون فيها الودتس اللي هو الدهن ودهنهم منول عباره عن شحم الخروف يذوبونه همن يصبونه
بوسطها ويجمد يغدي لونه ابيض تسنه حليب وهذا مازلاهم منهول
وهذي الدله وعارفينها انتم كلكم فيها من دلالنا بس انها اقدم واكبر وقالبن لونها اسود مع البطا ...
هذا الهندل وتلفون منول
الهندل يبرم من الجنب ويرد سنترال يقول له عطني مثلا ابو صويلح ويمتسع سلك هالسنترال ويحطه
بمكانن ثاني ويرد ابو صويلح وهـ حاله
وهذا مشط منول بعد واجد يعرفونه يمشطون به العجز روسهن لا حطن مشاط والا غيره ..
ان شاء الله يجوز لكم الموضوع
إحفظ قواعد السعاده السته ...
لا تكره أحداً مهما أخطأ في حقكـ
لا تقلق أبداً وتأمل خيراً
عِش ببساطه مهما على شأنكـ
توقع خيراً مهما كثر البلاء
أعطي كثيراً حتى لو حُرمت
إبتسم ولو قطر القلب دمـاً
يالله حيهم كلن باسمه
ياليت نرجع زمان أول ونصير بسيطين والعائلة الو حده تصير في بيت واحد ومجتمعه دايم
وبيت الطين البسيط إلي تكون الغرف محا وطه البيت والبيت فيه زى ألفتحه
من فوق والظاهر انه يسمى المنور
ونفرش فيه الصبح ووقت ألغدا وعند العصر ونرشه قبل عشان يبرد الجو
والفرشة تكون حصير والحصير هو إلي يجلس عليه بدال السجاد أو ألزوالي
والحصير يكون من خوص نخل وييبس وبقاله العسبان أو العيش ويكسر من عدوانه
ويقصص اللي هي الخوصه تقص أربع قصصيات همن يربص ويجاب خيشه والفه
فيها واذا قام يتثنى يعني لان سفيناه الين يغدي مستطيل همن اطويه ويخاط بالمخي
والمخيط عباره عن ابره طويله زي الابره الصغيره بس انها كبيره شوي عشان ماتنثني وانا اخيط فيها
وناكل في بوادي غضار وكيسان غضار وملاعقنا يدينا
والماء نشربه بالمطاره او شي من الفخار نسيت وش يقاله بس انه زي الزير بس اصغر
والسفره اللي ينوكل بها :-
يجاب قلب النخله وكانوا الاهل قبل يهاوشون الحريم لاخذوا قلب النخله عشان انه
يخرب النخله بس كان هو الزين لتسواه السفره وكان احدن يجيب صبغ
ويفوح هالصبغ ويطبخ به العسيب واللي يصير احمر واخضر واصفر زينه للسفره
والسفره يبدونها من الوسط وهي تسف الين الطرف
المهاف وهي وسيله التبريد الوحيده اللي تغنيهم عن المكيفات الحين والمراوح
والمهفه نفس الشي بس انها مهيب تسف لا يقالها تشك شك والى منهم قضو شاكينها
تروس ترويس همن تربص بماء وترص باي شي وبعدين اجيب عصى عسيب وتعوّد
والمحافر :-
اللي هي بدال المحافر السود اللي الحين بس انها بخوص النخل فيسفونه سخيف ويبدون به من قاعته ثم يبرمونه ابرام ويخيطونه بالمخيط
والزبيل نفس الشي
والطباقه اللي يغطى فيها الصحن او القدر فالقدور منول مالها غطيان فيسفون الغطى ويسمى منول طباقه
الموقعه :-
اللي هي مثل الصحون الحين وينتسب فيها الاكل وهو اللي يغطى بالطباقه
المسخنه :-
اللي يحط فيها الماء تجي طويله شوي ولها ثعبه يعني زي الفتحه ويحطونها في الشمس تدفا
المثعوبه :_
تجي حديده ولها ثعبه وهي اللي يصبون منها في يدين الناس لاخلصو ماكلين يعني
من زود السنع الضيوف لاقضو ماكلين ميقومون يغسلون لااا يجاب لمهم الماء بمثعوبه
وباديه ويغسلون يديهم فيها
السموّر :-
يجي زي الزير بس اطول شوي ويكون مبقور مع الوسط يعني له فتحه والفتحه
يحطون الجمر بوسطها عشان يصير حار ويخلونه كل الليل ولاقامو الصبح
ولاه يهجد من الحراره ويصير اللي يبي يسبح به او يغسل به واكثر شي يستخدمونه
في الشتاء
ومن الاواني البوادي والبرقان الغضار
ودلال الرسلان
والمحماسه تكون زي المقلى بس عروتها اطول شوي ومعها زي الملعقه بس طووويله ويحمسون بها القهوه
المنفاخ :-
اللي ينفخون به الجمر لاحسو انه بدا يطفي
الندزيره ( النقيره :-(
تجي حصاه كبيره مربعه ومنقشه تمصع العقل ( تمصع العقل بقول عمتي(
ويحطون فيها القهوه ويدقونها
النجر :-
يدقون فيه الهيل
اما اكلات زمان وهي ..
الجريش واحد يسميه ( إلقيمي(
والجريش معروف يسوى باللبن او الحليب
الطحين واحد يقول عنه ( صمّا (
والرز هو هو رز ماتغير واحد يقول عنه عيش
العصيد واحد يسميه دخن
والعصيد يجي اصفر ويربص همن يغسل ويجاب منحاز ويدق فيه الين يتلبد
ويسمى عقب مايتلبد (( دقوقه ((
الهريس وهو عيش بر ويطحنونه ويطبخونه حول اربع ساعات
الغفيص وهو عباره عن تمر وزبد
الحنيني قرصان وتمر
المحلى تمر وزبد وحبه سوداء ونفس الشي يخلى يطبخ حول 4الى 5 ساعات
ومن لبس منول واقمشتهم اللي هي للحريم ...
انواع الاقمشه ..
المنيخل :- يحطونه ثياب او شيال ويقومون على طرّافه كان انهم يبونه لسهره
او عروس ويحطونه زري يرهش
البخنق :- للي يلبسنها البنيات الصغار وهو عباره عن قماش منيخل ومشكوك شك
اكثر مايلبسنه البني في العيد او الموناسبات الكبيره
والثياب :-
نوع يسمى ( مريكه ) هذاا نوع غالي وهو نوع فاخر من انواع القماش
ونوع يسمى ( مرضوف ) رخيص يحوم التسبد
ونوع اسمه نور العيون ( مهمب يلعبون منول ) يجي زي البوالات مطرز
طريقه خياط الثياب
شي يخاط كرته وشي شوال
الكرته يكون مزموم مع الصدر ووسيع يخقل
والشوال زي ثوب الرجال مابه شي
والحريم الكبار يلبسون شي ويخيطونه ويسمى ( تخراصه ) وسيع من اسفل اليدين وكبر امس وقبل امس
اما ادوات زينتهم
المشاط :-
وهو نوع من الاعشاب يطحنونه ويمشطون به شعورهم
احدن يحطه جديلتين واحد يحطه عشر جدايل
وطبعاً من زين المشاط يخلونه بشعورهم خمست ايام مايفكونه وهمن يغسلونه لانه حسافه
اما الحُلي ..
يتزينين الحريم بـ وبالترتيب
مسباح وهو يكون زي السلسال حول الرقبه بس انه عريّض شوي
الزماط تحت المسباح
القلاده وتكون كبيره واكبر منهن كلهن
الرشرش كبيير يكون على الصدر كله
الغوايش ويجون يصفونهن بيديهن
صف الحجر وهي سواره من جنيهات ذهب
خماخم وتحط بالاذان
زمام وينحط بالخشم
ومن ادوات الاضائه
تريك , سراج
واللي يطبخون فيه ..
الدافور للقهوه , وتسوله , تنور
ومن العاب الصغار ..
الدنانه :- ( يجيبون سيكل ويحطونه فيه عمود ويعبون به العيال (
سبع الحجر
الصقله
القلبان يطبون فيها ويسبحون وهذا من انواع الترفيه
ومنول كانو يحجون على بعارين
وكانت تسمى الكواجه اللي تنحط على البعير ومزينه ومزخرفه ويركبن بوسطها الحريم وهالبعير مغير يومي فيهن
وهذي بعض الصور
هذا رادو ويا انه روسي او انه فرنسي والله اني مدري بس انه كان شي منول
وهذا بعد نوع ثاني من الروادو .. ومنول اللي عندهم هالروادو يعتبرون من الناس البطرانه على قولتهم
مضيقتن عليهم الدراهم
هذولي وانتم بكرامه بسمن زرابيل ومفردها زربول ..
ذولي نعال من جلد وداخلهن فرو شوي للشياب يلبسونهن .. وهذولي بعد يعتبرن موودرن ذاك الوقت ..
هذي نعال بعد منول الاوله من الخوص وهو سعف النخل والثانيه القبقب
هذي مسحاه للمزارعين وحقين المزراع ..
هذي بقوله الراوي انه مسحاه للناس الضعوف اللي مهمب اغنياء مره ... ومثل مانشوف نشوفه عريّضه
وصغيره مدري وراه عاد هو زود تحسيرن بهم ضعيفين الله او مدري
واللي فوقها هذا جرس يحط برقبه البقر والا الثيران عشان يعرفون متاسنهن
وهاللي متوزيه ورا هالقراشيع مدري هي باينه او لا بس مابغيت احرك الاغراض تجيني نزره يطيحن والاش
مثل ما نشوف نشوفها نحيفه وطويله عشان تحرث زين ..
وش الحكمه مفرقين بينهن مدري
هذا قفل زي اللي عندنا هالحين بس انه اقدم وهذا قديم مره ما تشوفونه محلي مع البطى ...
هذا يقفلون به منول يامحلاتهم او بيوتهم او التجوري وكذا ..
هذي المكنسه ... الله يرحمتس يا جدتي ياما كنستي بها ...
هذي مكنسه منول يكنسون بها الحوش والغرف وكذا شوفوا وش صغرها ومع هذا ما شكن ولا بتسن
وهالحين مكانس كهرب ودنيا ومع هذا وهـ قبل ظهورنا توجعنا وحالتنا حاله
ومنول تسنهن غزلان من النشاط لو ان الوحده وزنها 100 الا انها تسنها ريشه وش خفها وكله من هالكنس
والشغل بالبيت ..
هذا يقوله قرو ... يحط به الماء ويغطى وتختلف اشكاله شي مدور وشين مربع وشي ٍ مستطيل ..
يقول ابوي ياطعم الما منه له طعم وياعليه بروده ترد الروح مهيب بروده هالثلاجات والا البرادات اللي
تجيب الامراض .
والقرو نوعين شي للاودام اللي هو التسبير هاللي انا حاطه للمويه
والصغير للبقره يحلبونها ويحطون حليبها فيها ويخلون العجيل وليدها يشرب منه عشان ما يتعود يرضع
من امه يفطمونه مبتسر يعني
هذي يقالها العوقده مدري هي باينه والا لا ذي يتجدع بوسط الدزليب .. وبسحب بها أي شي ..
او يحط بها الدلو او اللي يجاب به المار وتسحب مرتن اخرى
او أي شيٍ يسقط ويطيح في البير يتلونه عن طريق هالعوقده
هذا صندوق العروس ... صندوق جدتي الله يرحمها ... ما تروح العروس الا هو معها فيه ذهيباتها وثويباتها
واغراضها كلهن ...
ومهنا دواليب وتسريحه وسرير ومدري وشو
ابد مريقدها حصير ودواليبها هالصندوق ... ومرايتها بوسط الصندوق ..
هذي قدور نحاس يطبخون بها منول ولا من بعضهن بغت تروح ياتغدي احد او تعشيهن تحط لها لفه قماش تسنها
العقال وتحط هالقدر فوق رويسها ... والظاهر ان هالقدور الى هالحين موجوده
هالصوره مداخن منول اللي اذا جاهم الضيف حطو من هالعود الزين ودخنو الرجال والا الحريم به
طبعاً الحريّم يقولن لا مانبيه بلاهن يرحن على رجليهن وعشان الرجال ما يشمون ذا الريح الزين
وام عصادزيل البنيه اقدم من الرصاصيه
واللي جنبهن هذا سراج اللي لا اظلمت الدنيا ولعوهن وحطو عند الحريم واحد والرجال واحد
واللي ماعليهم صفصفوهن حول بيتهم .. هذا الرحى يطحنون به الحبوب من حبوب السنبل وغيرها .. مهنا طواحين منول الى ذيّي
هذي الصحف وينتسبون فيها الغدا والا العشا يعني ياما اجتمع حولها الابوان وعيالهم وتغدو والا تعشوا ..
يااملح ذا العصيّه
ذي العجرا هذي ياطويلين العمر يستخدمونها منول للي يغلط والا شي ويهبدونه بها الين يقول ربي الله ..
ذي اداه من ادوات الجلد
هذي الندزيره ... وتتكون مثل هاللي انتم شايفين من حصاه ما يقواها احد وفيه حفرتن صغيره شوي بوسطها
يحطون القهوه والا الهيل .. ويدقونه بها بهالعصا اللي جنبها وياهي ثقيله ...
هذا المنحاز ... (( هذا هو يابو دنان يوم تقول تعرفيه ))
هذا اللي يدقون فيه العيش ...
وهـ يابريق الغضار .. ياطعم الشاهي فيه ولا صار على جميرات ...
هذا بريق الغضار اللي يزينون به الشاهي وهذا اقدم من الي جنبه وتشوفون انه هالخطوط اللي فيه مرسومه بالبيد .. هذي حافظات منول .. وهي عباره عن قرعه نجد ... يفرغون الي بوسطها ويخلونها في الشمس الين تشقص
همن لا نسفت يحطون فيها الودتس اللي هو الدهن ودهنهم منول عباره عن شحم الخروف يذوبونه همن يصبونه
بوسطها ويجمد يغدي لونه ابيض تسنه حليب وهذا مازلاهم منهول
وهذي الدله وعارفينها انتم كلكم فيها من دلالنا بس انها اقدم واكبر وقالبن لونها اسود مع البطا ...
هذا الهندل وتلفون منول
الهندل يبرم من الجنب ويرد سنترال يقول له عطني مثلا ابو صويلح ويمتسع سلك هالسنترال ويحطه
بمكانن ثاني ويرد ابو صويلح وهـ حاله
وهذا مشط منول بعد واجد يعرفونه يمشطون به العجز روسهن لا حطن مشاط والا غيره ..
ان شاء الله يجوز لكم الموضوع
إحفظ قواعد السعاده السته ...
لا تكره أحداً مهما أخطأ في حقكـ
لا تقلق أبداً وتأمل خيراً
عِش ببساطه مهما على شأنكـ
توقع خيراً مهما كثر البلاء
أعطي كثيراً حتى لو حُرمت
إبتسم ولو قطر القلب دمـاً